Со три натпревари се отвори петтото коло во Првата женска фудбалска лига, а ќе се затвори со останатите два кои на програмата ќе бидат в среда.
Со голот на Кристина Мојсоска од белата точка постигнат во 4. минута од мечот екипата на Ас Јунајтед славеше минимална победа од 1:0 над Топ Гол од Битола.
Тиверија Брера прокнижи нови три бодови откако на гостувањето кај Речица славеше со 1:2 преку пресврт.
Емили Митковска постигна гол по пет минути игра за 1:0, а до крајот на првиот дел Данче Карпузовска постигна гол за 1:1 пред паузата.
Во второто полувреме Павлинка Николовска ги постави конечните 1:2.
Каменица Саса ја слави Бразилката Туане Де Соуза Фрагосо која со два погодоци донесе победа од 0:2 над Истатов, со што „рударките“ го освоија Пржино.
В среда екипата на Вардар ќе игра дерби со Кочани за први бодови, но и прв сезонски триумф, додека пак шампионот Љуботен ќе игра дерби со Скопје.
