Во салата „Автокоманда“ стартуваше новата сезона во ракометната Суперлига со вистински трилер. Алкалоид и ГРК Охрид одиграа драматичен натпревар кој заврши без победник — 24:24.
Гостите од Охрид беа подобар ривал во првиот дел и на полувреме заминаа со предност од два гола (11:13). Сепак, на почетокот од второто полувреме тимот на Кирил Лазаров блеснаа и со серија од шест последователни погодоци направија голем пресврт за водство од 19:15.
Но, охриѓани не се предадоа. Со цврста одбрана и сигурни реализации успеаја да се вратат во игра, а во последните секунди натпреварот доби вистинска драма. Анте Иванковиќ погоди за водство на Охрид, но само три секунди подоцна Карасманакис израмни за конечни 24:24.
Најефикасни кај Алкалоид беа Урош Борзаш со 6 гола и Монси Тордарсон со 5, додека кај Охрид се истакнаа Дарко Ѓукиќ со 5 гола и Анте Иванковиќ со 4. Одличен натпревар одигра и голманот Бојан Блажески, кој забележа 10 одбрани.
Во следното коло Охрид ќе ја пречека Струга во езерскиот дерби-двој, додека Алкалоид гостува кај Тиквеш во Кавадарци.
