РепрезентацијаФудбалска репрезентација

Младата репрезентација на Македонија до 19 години во четврток во Радовиш против БиХ

Сподели
ФОТО: ФФМ
Сподели

Во четврток, 4 септември, на Градскиот стадион во Радовиш ќе се одигра контролен натпревар на фудбалската репрезентација на Македонија до 19 години против врсниците од Босна и Херцеговина.

Ова ќе биде ретка можност за радовишани да проследат репрезентативен натпревар во нивниот град. Со организацијата на вакви пријателски средби, Фудбалската федерација на Македонија (ФФМ) покажува дека мисли и на помалите средини, овозможувајќи им на љубители на фудбалот од регионот да ја следат младата селекција на Македонија во живо.

Дополнително, ваквиот настан ќе биде голем мотив за младите фудбалери од Радовиш и околината да продолжат со напорна работа, со надеж дека еден ден ќе го облечат дресот на репрезентацијата.

Натпреварот започнува во 16:00 часот и ќе биде првиот од двата контролни дуели против БиХ. Вториот пријателски меч ќе се игра на 6 септември во Струмица, на стадионот „Благој Истатов“.

Селекторот на младата репрезентација, Ерхан Селими, за овие два пријателски натпревари ќе смета на следните фудбалери:

Голмани: Давид Илиоски (АП Брера), Онур Бешир (Тетекс), Павел Трајковски (Партизан, Србија).

Одбрана: Златко Радески (Тетекс), Абдулах Аслани (Лунгби, Данска), Горазд Ристовски (Црвена Звезда, Србија), Давид Стојаноски (Браво, Словенија), Лука Атанасовски (Детонит), Андреј Мурџески (Вардар), Назиф Цека (Шкендија), Емир Шаботиќ (Вардар).

Среден ред: Каменчо Андоновски (АП Брера), Кренар Хоти (Работнички), Марко Киш (Сесвете, Хрватска), Ариф Локи (ХБ Коге, Данска), Ненад Дамјаноски (Домжале, Словенија), Виктор Делов (АП Брера), Адмир Љатифи (Осијек, Хрватска), Аритон Мехмед (Шкупи).

Напад: Игор Ристов (АП Брера), Дитмир Хоџа (Работнички), Стефан Младеновски (Црвена Звезда, Србија), Кадри Брути (Шкупи).


Македонската репрезентација до 19 години се подготвува за квалификацискиот турнир за Елитната фаза од квалификациите за Европското првенство. Турнирот ќе се одржи од 12 до 18 ноември во Португалија, каде нашите млади фудбалери ќе се соочат со домаќинот Португалија, како и со Белгија и Естонија.

Претходно, на 9 и 12 октомври, младите „рисови“ ќе одиграат и два контролни натпревари против Црна Гора на гостински терен.


Сподели
Напишано од
Виолета Јанчева -

Виолета Јанчева е поранешна фудбалерка која настапувала за неколку екипи од Првата македонска женска фудбалска лига. Одлично го познава македонскиот фудбал, но генерално и македонскиот спорт.

Не пропуштајте

Фудбал

Чеферин: Со Масар имаме одлична соработка, македонскиот фудбал е во добри раце

Претседателот на Европската фудбалска унија (УЕФА), Александар Чеферин, во интервју за Фудбалската федерација на Македонија говори за одличните односи со ФФМ и претседателот...

Кошарка

Димитријевиќ создаде повеќе од половина од асистенциите на Арис во победата над Ле Ман

Ненад Димитријевиќ со 11 поени и 13 асистенции беше меѓу главните носители на Арис во победата над Ле Ман со 96:86, остварена во...

Поврзани написи
РепрезентацијаФудбалска репрезентација

Изов го објави списокот на фудбалерки до 19 години за настап на квалификации за ЕП

Селекторот на женската репрезентација до 19 години, Кирил Изов го објави списокот...

Одбојкарска репрезентацијаРепрезентација

Македонските одбојкарки ги дознаа противниците и распоредот во Европската лига 2027

Женската сениорска одбојкарска репрезентација на Македонија ги дозна противниците и термините за...

Одбојкарска репрезентацијаРепрезентација

Македонските одбојкари ги дознаа противниците и распоредот за Европската лига 2027

Машката сениорска одбојкарска репрезентација на Македонија ги дозна противниците и распоредот на...

✕
error: Содржина е заштитена! Се забранува копирање на истата!