Третолигашот Рудар од Пробиштип ги започна подготовките за новата сезона во Трета лига – Исток, која ќе стартува на 7 септември.
Рудар започнува со нова организациска структура и скромен буџет, екипата е составена од релативно млад играчки кадар, но како што дознава Спортска Мрежа и со неколку искусни имиња кои се враќаат во клубот да му помогнат и да го пренесат знаењето, а тоа Бошко Ступиќ, како и Антонио Стојчов.
Клубот ќе го предводи новиот тренер Тихи Василевски, а новата управа е предводена од претседателот Дарко Анастасовски.
Младите фудбалски надежи кои што беа и се дел од младинските категории на клубот од Пробиштип се приклучени кон сениорскиот тим и новиот тренер Василевски ќе ги на располагање.
„Клубот започнува со нова организациска структура и скромен буџет. Екипата е составена од релативно млад играчки кадар, фудбалски надежи кои што беа и се дел од младинските категории на нашиот клуб изминатите години со поддршка од неколку искусни играчи. Нашите млади таленти се подготвени да го демонстираат својот потенцијал и на теренот и да се докажат со секој натпревар“, велат од клубот.
Веќе денес ќе се одигра и првиот пријателски меч против екипата на Тополка од Велес, а мечот ќе се игра на Градскиот стадион во Пробиштип со почеток од 17:30 часот.
По една година пауза ФК Рудар се враќа во Трета лига – Исток, а со тоа се враќа и фудбалот во Пробиштип во сениорска конкуренција. Новата сезона Рудар ја отвара против Малеш од Берово на домашен терен.
