Во селото Јосифово продолжува спортската еуфорија – оваа година се одржува 32-то традиционално издание на турнирот во мал фудбал „Јосифовско Лето 2025“, кој е симбол на летната забава и спортскиот дух во југоисточна Македонија. Турнирот стартуваше на 8 август, а овој викенд следува вистински спектакл – четвртфиналето!
На популарното „Јосифовско Лето“ ќе се судрат најдобрите осум екипи кои обезбедија место во оваа фаза.
- Петок, 22 август
Дим Метал – Кеги Моби
Агро Смарт – Еклер Транс
- Сабота, 23 август
Фреинт Оне Блик Мак
Дивино – Железарец
Организаторите најавуваат вистински дерби пресметки и богата спортска програма, а интересот кај публиката е огромен. Се очекува стадионот да биде исполнет до последното место.
Во осминафиналето видовме вистинска голеада, Агро Смарт славеше со 5:3 против Тобако Лени, Железарец беше убедлив со 5:2 над Кафе Бар Фиори, Дим Метал со возбудливи 6:4 го елиминираше Баламов Компани, а пак Кеги Моби доминираше со 9:2 против Автокалер Даниел
Фреинт Оне со „лото“ победа го откажа тимот на Црна Река со 7:0, Дивино убедливо го совлада Жак Транс со 4:1, додека пак Еклер Транс ја декласираше Алупласт Василев со 6:1.
- Паричен фонд:
🏆 Прво место: 180.000 денари
🥈 Второ место: 100.000 денари
🥉 Трето место: 50.000 денари
🏅 Четврто место: 20.000 денари
Организацијата е поддржана од бројни спонзори, а Спортска Мрежа оваа година за првпат е медиумски покровител на настанот, а од Јосифово најавуваме и ексклузивна емисија посветена на овој голем спортски настан.
