Филип Купанов, 22-годишниот голман од Гевгелија, има нов предизвик во кариерата. По кратката епизода во Башкими, младиот и надежен чувар на мрежата се пресели во редовите на Брегалница. Главната причина за овој трансфер е желбата на Купанов да добие што поголема минутажа и да стекне уште поголемо искуство во нова средина.
Висок 1.94 метри, Купанов важи за еден од најперспективните голмани во македонскиот фудбал. Досега настапувал за Брера, Беласица и Тиквеш, а во сабота ќе има можност да дебитира за Брегалница во дуелот против Кожуф.
Во сабота започнува и ВМФЛ каде сите натпревари ќе започнат од 17:00 часот.
