Новата сезона во Третата македонска фудбалска лига – Југ ќе започне на 8. септември со 14 екипи, што значи поголем број на екипи од ланската сезона.
Веќе е познат распоредот за новата сезона, нови екипи кои ќе настапуваат во Трета лига – Југ се Башкими, Влазними, Венец и Дреново.
Во првото коло екипата на Бучин на домашен терен ќе игра со Превалец, Ултрас ќе биде домаќин на Младост од Кривогаштани, новиот третолигаш Башкими против екс второлигашот Росоман ќе ја стартува новата сезона.
Марена против некогашниот второлигаш Обршани, соочување на новајлиите Влазними и Венец, новиот третолигаш Дреново против Слога, а пак Питу Гули ќе игра против Големо Коњари.
Есенската полусезона во Трета лига – Југ треба да заврши на 1. декември, кога ќе бидат одиграни натпреварите од последното есенско коло.
Минатата сезона шампион во Трета лига – Југ беше екипата на Борец од Велес, која преку баражот го совлада шампионот на Трета лига – Запад екипата на Велазерими од Кичево и со тоа се врати експресно во Втора лига.
Александар Ванев, Спортска Мрежа
