Беласица предводена од искусниот стратег Александар Стојанов го утврди планот за подготовки за новата сезона, а се договорени и седум пријателски натпревари преку кои струмичани ќе ја проверуваат формата за новата сезона, во која Беласица ќе има високи амбиции, односно пласман во Прва лига.
Во рамки на овие седум пријателски натпревари, еден од нив е меѓународен. Првиот пријателски меч ќе биде одигран против Кожуф на 19 јули, четири дена подоцна на 23 јули следува меѓународен пријателски натпревар со екипата на Септември Симитли од Бугарија.
На 27 јули ќе биде одигран пријателски натпревар со Детонит Плачковица од Радовиш, а на 1 август ќе следува тестирање со новиот второлигаш Шкендија од Арачиново.
За 6 август е договорена пријателска со новиот третолигаш Победа од Валандово, на 10 август е пријателската со Каменица Саса, а „генералката“ е закажана за 16 август против Осогово од Кочани.
Новата сезона ќе започне на 23 август (сабота).
