Искусниот фудбалер Николче Шаркоски се разделува со Вардар, неговиот договор истекува, а 31-годишниот прилепчанец кариерата ќе ја продолжи во нова средина.
Шаркоски во Вардар пристигна во јули 2024 година, а дојде од редовите на Воска Спорт каде одигра една сезона, претходно во два наврати беше дел од Работнички во период од септември 2022 до јули 2023 и од февруари 2018 до јануари 2018, измеѓу го носеше дресот на Брера Струмица.
Во период од август 2014 до јануари 2018 беше дел од прилепска Победа, а претходно две години настапуваше за 11-ти октомври од Прилеп.
Со Вардар минатата сезона Шаркокси го освои Купот на Македонија, а за најтрофејниот клуб одиграни 15 натпревари во шампионат постигнувајќи еден гол, а пак во Купот на Македонија настапи на три натпревари и забележа една асистенција.
Во Прва лига, Шаркоски има одиграно 215 натпревари, постигнувајќи 27 погодоци, а притоа запиша 22 асистенции.
Шаркоски е на радарот на неколку екипи и во следниот период ќе биде познато каде искусниот фудбалер од Прилеп ќе ја продолжи кариерата.
