Во насока на одбележување на големиот празник Илинден, и оваа година повторно ќе се одржи традиционалниот турнир во мал фудбал „Ораовица 2025“, кој веќе од 2016 година претставува вистински спортски спектакл во регионот.
Започна пријавувањето за екипите, а заинтересираните имаат рок до 14 јули да ја обезбедат својата учество со уплата на котизација од 4.000 денари.
Овој турнир привлекува големо внимание поради високиот награден фонд, кој оваа година изнесува вкупно 325.000 денари:
- Прво место – 180.000 денари
- Второ место – 85.000 денари
- Трето место – 40.000 денари
- Четврто место – 20.000 денари
Натпреварите ќе започнат на 15 јули, додека големото финале е закажано за 2 август, на самиот ден на Илинден.
Покрај сениорските екипи, годинава ќе има простор и за најмладите фудбалски надежи – отворени се категории и за пионери родени 2010–2013 и 2014–2018, што дополнително ќе го збогати турнирот со детска енергија и спортски дух.
Пријавувањето се врши на следните броеви:
- 078 433 987
- 071 250 418
- 072 595 863
Голема новина оваа година е тоа што Спортска Мрежа ќе биде официјален медиумски покровител на турнирот, што значи дека љубителите на мал фудбал ќе може да очекуваат квалитетна покриеност, извештаи, резултати и видеа од натпреварите.
Турнирот се организира од страна на ФК Изведен, со поддршка од Општина Радовиш, која е генерален покровител на настанот.
