ФК Пелистер го потврди првиот потпис за новата сезона по назначувањето на новиот тренер. Станува збор за триесет и две годишниот дефанзивец Александар Ристевски, кој го продолжи договорот и ќе остане лидер во одбраната на тимот и во сезоната 2025/26.
Во пресрет на новата сезона и предизвиците што следуваат, ФК Пелистер започна со оформување на тимот. Покрај фудбалерите со важечки договори, продолжувањето на соработката го започнаа со столбот на одбраната Александар Ристевски.
И во новата натпреварувачка сезона, одбраната ќе ја предводи Александар Ристевски. Со неговото останување, тимот добива стабилност, искуство и сигурност во дефанзивната линија.
Ристевски има богато прволигашко искуство, играјќи за клубови како Металург, Скопје, Победа, Пелистер, Ренова, Брегалница, Струга Трим Љум, Работнички и Брера. Настапувал и во албанската Прва лига за екипата на Влазнија.
