На теренот во Чифлик маало во Струмица, петочната вечер од Меморијалниот турнир „Благој Истатов 2025“ донесе нова доза фудбалска магија, со три возбудливи натпревари кај сениорите и два дуели кај младинците. Публиката беше сведок на технички зрела игра, многу голови и тимови кои сè посериозно атакуваат на елиминациската фаза.
Еклектик запиша важна победа на турнирот, совладувајќи го Импулс Радио со 3:1, во натпревар од групата А. Добро организирана игра и сигурна реализација му донесоа три важни бода на тимот на Еклектик.
Во еден од највозбудливите мечеви досега, Дивино го победи тимот на MaxBet со резултат 4:3. Меч полн со динамика и голема борба, во кој Дивино одржа континуитетот.
Вечерта ја заокружи доминантниот настап на Фенербахче, кој го надигра Серта Конче со убедливи 0:5, потврдувајќи дека се во врвна форма.
- МЛАДИНСКИ КАТЕГОРИИ – младите не запираат со голови!
Јанг Бојс безмилосно го совлада тимот на Феникс со 0:9, демонстрирајќи неверојатна офанзивна игра и техничка зрелост за нивната возраст. Во вториот меч од младинските категории, Серта Конче го совлада Кобри со убедливи 1:9, во уште една доминантна партија која вети многу за следните рунди.
Турнирот продолжува и за време на викендот со нови пресметки, а борбата за пласман во елиминациите станува сè поинтензивна.
Сите резултати, табели, видео-содржини и слики – следете ги ексклузивно на Спортска Мрежа, медиумски покровител на „Благој Истатов 2025“.
