Јубилејното 50-то издание на турнирот во мал фудбал „Петровден“ во Мешеишта продолжува во извонредна атмосфера, со одлични натпревари и силна публика која вечер по вечер ги исполнува трибините до последно место. Петокот донесе четири нови натпревари и уште повеќе голови, борбеност и емоции.
- Резултати од петок (20 јуни):
Хотел и Спа Инекс Олгица 2:1 Кафе Бар 9
Вила Мина – Ќе има сѐ 9:5 Пекара Илинче
Вила Мина – Ќе има сѐ 0:3 Кампинг Љубаништа
Мешеишта 9:3 Игор Бенд Бушиноски
Екипата на Мешеишта покажа исклучителна форма и на домашен терен ги воодушеви навивачите со висока победа. Кампинг Љубаништа, пак, со победата над Вила Мина најави сериозни амбиции во групата.
Најголем број голови беа постигнати токму на мечот меѓу Вила Мина и Пекара Илинче – дури 14, во едно вистинско фудбалско шоу.
- Распоред за сабота, 21 јуни:
20:00 | АСП Пак – Типлери
21:00 | Здружение на возачи Ресен – Топлина
22:00 | Доел Ноче – Зурли и Тапани Вевчани
23:00 | Македонија – БЗ Груп Струга
Турнирот влегува во својата клучна фаза, натпреварите се решаваат во детали, а возбудувањата не запираат. Како и секогаш, „Спортска Мрежа“ е тука да ја пренесе целата енергија, резултати и ексклузивни моменти од теренот.
