Четвртата вечер од Меморијалниот турнир „Благој Истатов 2025“ во Струмица донесе нова порција возбудувања, драма до последен свиреж и мечеви исполнети со голови и пресврти.
Евро Тип ја отвори вечерта со тесна, но вредна победа од 5:4 против Тобако Лени Пулс. Натпревар исполнет со динамика и неизвесност, во кој Евро Тип успеа да издржи до крај и да ги освои трите бода.
Во вториот натпревар, Евротип покажа зошто важи за еден од фаворитите во групата Б – со сигурна игра и офанзивна моќ го декласираше тимот на Фенербахче со резултат 0:7, испраќајќи јасна порака за своите амбиции.
Вечерта ја заокружи неверојатниот натпревар помеѓу Христ Мил и Украс ИНГ, кој заврши со спектакуларни 7:9 – вистински головеада, во која двете екипи прикажаа отворен фудбал и атрактивна игра што ја воодушеви публиката.
- Младински категории – идни ѕвезди на теренот
Младинските натпревари продолжуваат да внесуваат свежина и ентузијазам на турнирот, а вечерва беа одиграни две интересни пресметки:
Во првиот дуел, Ривали со минимална предност од 2:3 го совладаа тимот на No1 Deni, во натпревар полн со борбеност и добра техничка игра.
Во вториот меч, Хотел Горан Пандев го декласираше Тигри со висока победа од 0:8, наговестувајќи дека имаат сериозен состав и за финале.
Турнирот продолжува и следните денови со уште повеќе натпревари и возбуда! Сите резултати, табели, видео и фото извештаи следете ги ексклузивно на Спортска Мрежа, официјален медиумски покровител на турнирот „Благој Истатов 2025“.
