Возбудувањата на турнирот „Црнилиште Куп 2025“ продолжуваат со полна пареа, а натпреварите одиграни синоќа донесоа многу голови, доминантни победи.
Роденденска Пињати беше немилосрдна екипа против Македонска Куќа, забележувајќи убедлива победа од 5-0, со што уште еднаш го покажа својот сериозен пристап кон турнирот.
Екипата на Пилана Жарко одигра два меча во еден ден и во двата меча блесна со одлична реализација.
Најпрвин со 3-0 го совлада Madrid Boy, а потоа, во уште поинтересен дуел, ја совлада и Виена Комерц со 4-2, испраќајќи јасна порака до ривалите.
Тимот на Zgjimi Kompani со сигурна игра ја совлада екипата на Теута со 4-2, зацврстувајќи го својот статус како сериозен претендент на турнирот.
Во последниот натпревар од денот, Беса Сливник приреди вистинска голеада против Lisiqan, триумфирајќи со убедливи 8-2, што е еден од најголемите резултати досега во натпреварувањето.
Ден исполнет со голови, страст и квалитетен фудбал, каде публиката имаше можност да ужива во секоја минута. Турнирот продолжува со уште повеќе емоции и интересни натпревари!
„Црнилиште Куп 2025“ – местото каде амбициозните тимови ја пишуваат својата фудбалска приказна, а Спортска Мрежа е медиумски покровител.
