Фудбалската федерација на Македонија денес преку соопштение информираше дека е суспендиран теренот на Башкими во Куманово, а како што е наведено во соопштението причината за суспензијата на теренот е присуство на неслужбени лица на теренот веднаш по завршувањето на натпреварот од 4. коло во Втората македонска фудбалска лига.
„ФФМ информира дека Комисијата за натпревари на ФФМ на денес одржаната седница донесе одлука според членовите 41,42 и 75 од Правилник за натпревари на ФФМ за СУСПЕНЗИЈА на Стадион „БАШКИМИ“ Куманово поради присуство на неслужбени лица на теренот веднаш по завршување на натпревар во рамки на 4 коло на Втора МФЛ помеѓу екипите на ФК Башкими 1947 АД – ФК Беласица АД одигран на 25.09.2024 година во Куманово. Стадионот „БАШКИМИ“ Куманово е суспендиран се до донесување на одлука на Дисциплинска комисија на ФФМ. Суспензијата стапува на сила веднаш“, се вели во соопштението на ФФМ.
Тоа значи дека сега Башкими своите домашни натпревари ќе треба да ги игра на друг терен, а што сега Башкими ќе треба да бара алтернатива каде ќе ги игра домашните натпревари, но и колку натпревари Башкими ќе биде казнет со не играње на својот стадион.
Како што веќе објави Спортска Мрежа во Втората лига суспендиран е теренот во Неготино, па Вардар Неготино како домаќин токму против Башкими ќе игра на СЦ „Пандев“ во Струмица, а во Првата лига суспендиран е теренот во Кавадарци, па прволигашот Тиквеш против Силекс како домаќин ќе игра на Градскиот стадион во Кичево.
