Екипата на Новаци службено го доби натпреварот со Македонија ЃП, натпреварот од вонредното 4. коло на Втората македонска фудбалска лига, со што овој меч кој заврши 1:1, се регистрира со службени 3:0 за Новаци, а со тоа ланскиот прволигаш го губи бодот кој го освои со Новаци.
Според член 99 од Правилник за натпреварување и според член 20б од Пропозиции за Втора МФЛ натпреварот службено е регистриран 3:0 за ЗФК Новаци 2005.
Согласно одлуката на Комисијата на натпреварите на ФФМ образложението за ваквата одлука е следно.
„Комисијата за натпревари на ФФМ при разгледување на материјалот, записникот, делегатски извештај и изјава на главен сдуија на натпреварот констатира: За време на натпреварот, поточно во 90-та минута гостинскат екипа на ФК Македонија ЃП 1932 извршила измена при што од игра го извадила фудбалерот (младинец) Славков Алексеј, а во игра го внела фудбалерот со број 21 Вецески Кристија. При оваа измена гостинската екипа ФК Македонија ЃП го прекршила член 20 б став 1 од Пропозициите на Вторат аМФЛ кој гласи: Сите клубови учесници во Втората лига, натпреварот мора да го започнат и завршат со 2 (два) домашни фудбалери, кои немаат навршено 21 година.“
Согласно тоа сега Македонија ЃП е на 4. место со десет бодови, а Кожуф е трет со 11 бодови, додека пак Новаци сега е на седмото место на табелата со девет бодови на своето конто.
