Шкендија од Арачиново е нов второлигаш, откако најпрво стана шампион во Трета лига – Север, а потоа во баражот со 2:1 го доби второлигашот Осогово и така тимот од Арачиново по долги години се врати во Втората лига.
Тимот го промовираше најпрво Шабан Сулиман во нов тренер, кој доаѓа како наследник на Еркан Мурсели, тренерот кој ја врати Шкендија Арачиново во Втората лига.
Второлигашот од Арачиново најпрво започна со продолжување на соработката со играчите од претходната сезона, односно задржување на играчите кои беа носители на самата игра.
И во следната сезона дресот на Шкендија од Арачиново ќе го носи Фикрет Љиварека, Христијан Димов, Љупче Трпески, Александар Ѓорѓиески, Руфат Чилафи, Артан Чилафи, Бујар Иљази, Омер Сулејман, Бетим Исени и Кадир Бела, Албан Ферати, Шуајб Алити и голманот Бехар Шукрија.
Нови засилување во редовите на Шкендија Арачиново се голманот Баки Алиу, Гентиан Амети и Бурим Алиев.
За нов тренер на голмани е назначен Осман Даци, со што се формира и стручниот штаб предводен од Шабан Сулиман.
