Вчера по завршувањето на мечот меѓу Вардар Неготино и Охрид, во рамки на 4. коло на Втората македонска фудбалска лига, се случи голем инцидент по завршувањето на мечот, откако неслужбено лице го нападнат голманот на гостинскиот тим, по што реагираше и фудбалскиот клуб Охрид.
Фудбалската федерација на Македонија веднаш реагираше и донесе одлука да се суспендира теренот во Неготино, па така Вардар Неготино домашните натпревари ќе мора да ги игра на друг стадион.
„Фудбалската федерација на Македонија ја информира јавноста дека Комисијата за натпревари, на вондредна седница по прегледаните извештаи и снимки од натпреварот во рамки на 4. коло од Втора МФЛ одигран на ден 25.09.2024 година на Градскиот стадион Неготино помеѓу екипите на ГФК Вардар Неготино – ГФК Охрид Лихнидос поради физички напад од страна на неслужбено лице врз голманот на ГФК Охрид Лихнидос, комисијата донесе одлука според член 94 од Правилник за натпревари на ФФМ за СУСПЕНЗИЈА на Градски стадион Неготино. Суспензијата стапува на сила веднаш“, се вели во соопштението на ФФМ.
ФФМ веднаш го суспендира теренот, со одлука која стапува на сила веднаш, а во следниот период ќе биде познато колку натпревари Вардар Неготино нема да може да игра на својот терен, односно колку натпревари ќе мора да игра на друг терен како домаќин.
- ПОГЛЕДНЕТЕ ШТО СЕ СЛУЧУВАШЕ ПО НАТПРЕВАРОТ ВО НЕГОТИНО:
