Екипата на Пролет заврши на првото место во плеј-аутот на Суперлигата откако во мечот од последното коло славеше со 30:28 над Радовиш.
Овој натпревар немаше резултатско значење бидејќи каков и да беше исходот Пролет ќе биде секако прв, а пак Радовиш секако четврти.
Кај екипата на Пролет најдобри беа Додевски и Василевски со по шест гола, кај радовишани најдобар беше Филип Трајанов со пет гола.
Струга со победа над Прилеп го заокружи плеј-аутот во Суперлигата и заврши на петтата позиција, која позиција значи играње на бараж за опстанок. Струга беше подобра со 26:29, а најдобар стрелец за стружани беше Олег Јорданов со десет погодоци, а пак за прилепчани најпрецизен беше Александар Тренчевски со шест гола.
Сепак, Струга оди во баражот за опстанок во Суперлигата, а ќе се соочи со екипата на Мулти Есенс која заврши на второто место во прволигашкиот плеј-оф.
Пролет е прв со 18 бодови на своето конто, втор заврши Прилеп со 13 бодови, а толку има и Куманово кој е трет. На четвртото место со 10 бодови заврши Радовиш, а толку бодови има и Струга која заврши на петтата позиција или во бараж зоната за испаѓање, на последното шесто место е Борец ФЛ од Велес со минус еден бод на своето конто, велешани беа исфрлени од натпреварувањето.
