Продолжуваат фудбалските возбудувања на Меѓуопштинскиот турнир во мал фудбал „Ресен 2025“, откако вечерва беа одиграни три натпревари, а двата се решаваа во пенал-рулетот.
Во првиот меч екипата на АСП Пак со убедливи 5:2 го декласираше составот на Хризантема, а пак вториот меч понуди многу неизвесност. Хајв Кафе и Фасада Чајник ремизираа во меч без погодоци во регуларниот дел 0:0, но натпреварот понуди многу шанси кои не беа реализираше, па победникот се бараше во пенал серијата, каде подобра беше екипата на Фасада Чајник со 5:4.
Третиот меч исто така се решаваше во пенал-серијата, но регуларниот дел понуди дури осум гола, 4:4 на Нана Фруит Соларбилд и Демир Хисар, кад екипата на Демир Хисар беше подобра со 8:7 во пенал серијата.
Публиката во Ресен уживаше во одлични натпревари кои понудија одлична атмосфера, погодоци, атракција и многу шанси.
Спортска Мрежа е медиумски покровител на овој спортски настан во Ресен.
