Се пополнува Трета лига – Север за сезона 2025/2026, откако преку бараж влегоа две екипи, а претходно Студеничани кој беше шампион на ОФЛ Кисела Вода на директен начин влез во Трета лига – Север.
Екипата на Лопате која беше шампион на ОФЛ Куманово со 0:2 славеше над Бујковци, шампионот на ОФЛ Гази Баба, во бараж натпреварот кој се одигра на одличниот терен во Агино Село.
Првиот дел од натпреварот помина во знакот на мирните мрежи (0:0), а во вториот дел резултатот беше отворен во 51. минута откако Мухарем Исени беше прецизен за 0:1.
Бујковци се обидуваше да креира изгледа шанса за погодок, но во 76. минута Биљали Хасан ги постави конечните 0:2.
Во вториот полуфинале меч меѓу шампионот на ОФЛ Скопје, екипата на Беса од Сарај и Отља, која беше шампион на ОФЛ Липково, победникот се бараше преку пенали, а се играше на теренот во скопско Кадино.
Регуларниот дел заврши со резултат од 1:1, а екипата на Беса прва го отвори резултатот во 16. минута. Во вториот дел Буњамин Фетаи постигна гол во 71. минута за конечни 1:1.
Во пенал серијата за екипата на Беса погодија Венхар Незири, Фуркан Саити, Амар Шабани и Еркан Хајрули, а Љавдрим Палику не реализираше.
За тимот на Отља во пенал серијата погодија сите пет играчи односно Зубеир Незири, Лабинот Куртиши, Сабри Ибиши, Ќендрим Абази и Ерсин Сулимани.
Според информациите на Спортска Мрежа ќе се одигра уште еден бараж меч од поразените екипи од баражот односно свое соочување ќе имаат Бујковци и Беса од Сарај, со што ќе се добие последниот патник за влез во Трета лига – Север.
Според нашите информации овој бараж меч ќе се одигра во четврток, а неофицијално многу веројатно е истиот да се игра на одличниот терен во Агино Село.
