Бел Мерцедес против Инекс Олгица во големото финале на овогодинешното издание на турнирот во мал фудбал „Враништа 2025“.
„Таксистите“ се намачија во полуфиналето откако во регуларниот дел одиграа 0:0 против Аце Најдески, по што пенал-рулетот го одлучуваше победникот.
Во регуларниот дел двете екипи имаа свои моменти и шанси, но без успешна завршницата, а мрежите останаа мирни. Во пенал серијата екипата на Бел Мерцедес беше подобра со 0:2 и така патува во големото финале.
Во вториот полуфинале меч екипата на Инекс Олгица беше сигурна и убедлива совладувајќи го тимот на Студио 13 со резултатот од 1:3.
Во битката за трето место ќе се соочат поразените екипи во полуфиналето односно Аце Најдески против Студио 13.
Финалето се игра утре (2 јуни) со почеток од 22 часот, а еден час претходно односно од 21 часот ќе се одигра натпреварот за трето место.
