Екипата на Аце Најдески со резултат 1:2 ја совлада екипата на АСП Пак и обезбеди пласман во полуфиналето на турнирот во мал фудбал „Враништа 2025“. Натпреварот понуди сè што фудбалот може да понуди – жестока борба, динамични дуели, бројни шанси и три атрактивни гола, на задоволство на публиката која уживаше во вистински спектакл. Победа со која екипата на Аце Најдески, патува меѓу најдобрите четири.
Во второто четвртфинале, Сатеска ги заврши своите настапи на турнирот, откако беше поразена со 1:3 од мотивираната екипа на Бел Мерцедес. „Таксистите“ доминираа во клучните моменти од мечот и сосема заслужено обезбедија полуфинален билет.
Сабота (31 мај) е слободен ден, а веќе во недела следуваат возбудувањата од полуфиналните пресметки:
-
21:00 ч. | Аце Најдески против Бел Мерцедес – дерби со сите елементи на класик
-
22:00 ч. | Студио 13 против Инекс Олгица – двобој кој ветува неизвесност
Турнирот „Враништа 2025“ влегува во својата завршна фаза, каде што секој детал, секој потег и секој гол може да биде клучен. Публиката ќе има привилегија да биде дел од завршница исполнета со емоции, драма и врвен аматерски фудбал.
Спортска Мрежа е медиумски покровител на овој престижен спортски настан.
