Репрезентација на Македонија до 18 години одигра 1:1 против Словенија на вториот контролен натпревар одигран на гостински терен во Птуј.
Избраниците на селекторот Ерхан Селими во првото полувреме одиграа многу подобро за разлика од второто полувреме. Адмир Љатифи во 30. минута го постигна голот за Македонија. Во продолжението, пропуштивме неколку сериозни можности за постигнување на погодок, но немавме завршница за погодок во домашната мрежа.
Првиот контролен натпревар одигран помеѓу овие две селекции заврши со идентичен резултат 1:1.
