В недела ќе бидат одиграни два бараж натпревари за влез во Третата македонска фудбалска лига – Север за сезона 2025/2026.
Екипата на Студеничани која стана шампион во Општинската фудбалска лига Кисела Вода низ убедливо доминантна сезона со 18 победи од 18 натпревари и максимлани 54 бодови на свето конто обезбеди директен влез во Трета лига – Север.
За пополнување на следните две позиции ќе се бараат екипи од бараж натпревари.
Во првиот бараж натпревар Бујковци ќе се соочи со Лопате во меч кој ќе се игра на одличниот терен во Агино Село, а во вториот натпревар Беса од Сарај и Отља кој се игра во Кадино во Скопје.
Екипата на Лопате е шампион во ОФЛ Куманово, а пак Бујковци е шампион во ОФЛ Гази Баба. Екипата на Беса од Сарај е шампион во ОФЛ Скопје, а пак ФК Отља е шампион во ОФЛ Липково.
Победниците од овие бараж натпревари ќе влезат во Трета лига – Север за сезона 2025/2026, иако според нашите информации не е исклучена можноста за евентуален нов бараж од поразените екипи, а ваквата можност се отвара и четврта екипа да влезе во Трета лига – Север откако Шкендија Арачиново влезе во Втора лига.
