Започнаа пријавувањата за меморијалниот турнир во мал фудбал „Благој Истатов 2025“ кој се одржува во Струмица.
Покровител на турнирот е градоначалникот на општина Струмица, Костадин Костадинов, а вкупниот награден фонд е еден милион денари.
Турнирот се игра во формат 5+1 со футсал топка, котизацијата за учество кај сениорите е 10.000 денари, а кај јуниорите 4.000 денари. Јуниорските екипи ќе играат во генерации 2011/2012, 2013/2014 и помали.
За првопласираната екипа предвидена е парична награда во висина од 500.000 денари, за второпласираната 250.000 денари, за третото место 100.000 денари, а пак за четвртопласираната екипа парична награда од 50.000 денари. Предвидени се пехари, медали и спортски реквизити.
Пријавувањето за учество е отворено до 11 јуни, кога ќе се изврши и ждребувањето на екипите. Екипа можете да пријавите на 070 996 978 кај Ице и на 077 611 195 кај Мите.
Меморијалниот турнир „Благој Истатов 2025“ во Струмица ќе започне на 16. јуни.
