Како што ексклузивно дознава Спортска Мрежа, утре во 12 часот во просториите на Фудбалската федерација на Македонија (ФФМ) ќе се одржи ждрепката за поразените екипи од баражите за Втората лига.
Три екипи во ждрепката, а место во Втора лига има за две екипи, една ќе извиси и ќе остане третолигаш.
Големо Коњари, Преспа и Осогово ќе бидат во ждрепката, овие три екипи ги загубија баражите. Преспа загуби со 0:3 од Слога Виница, Осогово загуби со 1:2 од Шкендија Арачиново, а пак Големо Коњари преку пенали загуби од Тетекс откако во регуларниот дел беше 2:2.
Последните две екипи кои ќе бидат дел од Втората лига во сезона 2025/2026 ќе се дознаат утре преку ждрепката.
