Фаворитот Кочани во рамки на 2. коло со убедливи 0:8 го декласираше Порече во Македонски Брод на крилата на Афродита Салихи која постигна пет погодоци и Ангела Стојковска која постигна три погодоци, во рамки на 2. коло од Втората женска фудбалска лига.
Салихи, Стојковска, Милевска… прават големи разлики во квалитетот на Кочани во однос на Порече, но и генерално во однос на другите екипи, па сосема очекува е дека Кочани лесно ќе стигне до првото место и директниот влез на Кочани во Првата лига.
Вардар со убедливи 0:11 го декласираше Борец среде Велес, кој немаше сили воопшто да парира на фаворитот од Скопје.
Мила Наумовска постигна четири погодоци, Теодора Јанковска постигна два гола, а по еден гол постигнаа Мирјана Ѓеровска, Џенита Кицара, Матеја Анческа и Јана Јовановска, додека пак Александра Пешова си постигна автогол.
Екипата на Билјанини Извори со 1:2 славеше над Плачковица на гостински терен.
Александра Алексиеска во 23. минута погоди за 0:1 на полувреме, а на стартот од вториот дел најдобрата кај охриѓанки Марија Јулчовска погоди за 0:2.
Плачковица во 70. минута преку Розета Ташкова намали на 1:2, но до крајот немаше сили за изненадување, па трите бодови заминуваат за Охрид.
Јоана Никова е херој за дебитантот Слободен откако со гол во 87. минута обезбеди бод за новиот член на Втората женска фудбалска лига во дуелот против Победа Валандово кој заврши без победник 1:1. За гостинот од Валандово погодија Наталија Кавазова во 25. минута од мечот.
