Тиверија Брера прокнижи убедлива победа над Скопје 2014 со резултат од 1:4 во натпревар од 6. коло на Првата женска фудбалска лига.
Гоја, Панеска, Бошеска и Копли беа стрелци за струмичкиот прволигаш, а за домашниот тим погоди Крстева.
Каменица Саса со 3:1 славеше во дербито со Ас Јунајтед од Струга, во меч каде Фрагосо погоди двапати за домашниот тим, а еден гол беше дело на Димитровска, за гостинската екипа погоди искусната голгетерка Улза Максути во вториот дел од мечот.
Шампионот Љуботен со 0:8 го декласираше тимот на Речица во меч каде Хава Мустафа постигна пет гола, а Елена Симјанова три гола.
Реми и поделба на бодовите на Топ Гол и Истатов, кој одиграа 1:1. Меланија Грозданова постигна гол за 0:1 во 6. минута од мечот, а во 13. минута Маргарита Талевска постигна гол за конечни 1:1.
Во оваа коло одмараше екипата на Атлетико од Битола.
