Екипата на Тополка е шампион во Општинската фудбалска лига (ОФЛ) Велес или Четврта лига по ранг на натпреварување и од следната сезона ќе игра во Третата македонска фудбалска лига (ТМФ) – Југ.
Уште едно коло останува да се одигра во ОФЛ Велес, но тука веќе се е решено. Тополка доминираше сезонава и застана на врвот од табелата во ОФЛ Велес и со тоа од следна сезона ќе заигра во Трета лига – Југ.
Екипата на Тополка на 13 одиграни натпревари има учинок од десет победи едно реми и два порази со 31 бод на своето конто. На второто место во ОФЛ Велес е Локомотива поранешниот второлигаш од Градско има 24 бодови на своето конто, а толку има и Горски кој е трет но со меч помалку.
Најдобар стрелец во ОФЛ Велес е Марјан Стефановски од екипата на Локомотива Градско со постигнати 15 погодоци, а пак најдобар стрелец на Тополка е Ален Мехмед со шест погодоци.
