Во сабота ќе се одиграат бараж-натпреварите за влез од Трета во Втора македонска фудбалска лига. Само 90 минути ги делат екипите од остварување на целта – пласман во Втората лига за сезоната 2025/2026.
Познати се судиите кои ќе ја делат правдата на овие баражи.
Фатмир Бафто од Охрид ќе го суди „најжешкиот“ дуел меѓу Шкендија Арачиново и Осогово, кој ќе се одигра на Градскиот стадион во Кавадарци. Шкендија Арачиново, како шампион на Трета лига – Север, ќе се соочи со Осогово, кој како второлигаш ќе се обиде да избори опстанок.
Помошници на Бафто ќе бидат Владимир Митревски од Битола и Горан Балески од Охрид, додека четврти судија е Благојче Ралевски од Битола.
Делегат на натпреварот е Славчо Ѓорѓијоски од Прилеп, а контролор – Јосип Бартон од Тетово.
На теренот на Фудбалската федерација на Македонија (ФФМ) во Скопје ќе се соочат шампионот на Трета лига – Југозапад, екипата на Преспа, и Слога Виница, шампион на Трета лига – Исток.
Судија на овој натпревар ќе биде Влатко Илиоски од Прилеп, со помошници Бори Трајков (Прилеп) и Ристо Ѓорѓиев (Штип). Четврти судија ќе биде Крумислав Ѓоргиев од Штип.
Делегат е Васко Бошевски од Битола, а контролор – Никола Караколев од Штип.
На стадионот во Ѓорче Петров ќе се игра третиот бараж, меѓу шампионот на Трета лига – Југ, Големо Коњари, и шампионот на Трета лига – Запад, Тетекс. Судија ќе биде Доне Ристовски од Гевгелија.
Негови помошници ќе бидат Петар Новачев (Велес) и Мервин Топојани (Скопје), а четврти судија – Дарко Стојчевски од Скопје.
Делегат на натпреварот е Митко Бојаџиев од Чешиново, а контролор – Горан Спироски од Прилеп.
Делегирани судии за баражите за влез во Втора лига:
-
Осогово – Шкендија Арачиново: Фатмир Бафто (Охрид)
-
Преспа – Слога Виница: Влатко Илиоски (Прилеп)
-
Големо Коњари – Тетекс: Доне Ристовски (Гевгелија)
Сите бараж-натпревари за влез од Трета во Втора лига ќе се играат во сабота, со почеток во 17:00 часот.
