Екипата на Тиверија Брера забележа лото победа од 7:1 над Истатов во меч каде Билјана Панеска постигна хет-трик, a по еден гол во убедливата победа од 23. коло на Првата женска фудбалска лига за струмичкиот тим постигнаа Кристина Нафула, Александра Терзиски, Ива Јосифова и Тчеури Харуми Гоја.
За гостинскиот тим единствен стрелец беше Кристина Петрушевска, која голот го постигна во 56. минута од натпреварот.
Струшки Ас Јунајтед ја слави Веса Села откако во 82. минута постигна гол за победа од минимални 0:1 над Атлетико среде Битола. Минимална, но голема победа за струшкиот тим, победа вредна на директен опстанок во Првата женска фудбалска лига.
Екипата на Топ Гол со убедливи 3:0 на домашен терен во Битола славеше над Речица. Резултатот го отвори Анастасиа Илиевска во 6. минута од мечот, резултат со кој се замина на полувреме.
Во вториот дел од мечот Илиевска со втор гол зголеми на 2:0, откако погоди во 57. минута, а три минути подоцна Мелани Додевска капитулираше по третпат на својот гол, кога Маргарита Талевска постигна гол за конечни 3:0.
Натпреварот меѓу Каменица Саса и Скопје заврши без победник, но и без погодоци, откако двете екипи ремизираа играјќи 0:0. Главниот судија на овој меч Дарко Стојанов подели три жолти картони кај домашниот тим, а кај гостинскиот тим покажа пет жолти картони.
Веќе се е јасно, за титулата ќе се решава меѓу Љуботен и Тиверија Брера, а пак Речица се подготвува за бараж за опстанок против второлигашот Вардар.
- ЦЕЛА ТАБЕЛА ОД ПРВАТА ЖЕНСКА ФУДБАЛСКА ЛИГА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ЖФК ЉУБОТЕН | 20 | 18 | 1 | 1 | 94 | 13 | +81 | 55 |
| 2 | ЖФК ТИВЕРИЈА БРЕРА АД | 20 | 17 | 2 | 1 | 95 | 9 | +86 | 53 |
| 3 | ЖФК КАМЕНИЦА САСА | 20 | 15 | 2 | 3 | 57 | 16 | +41 | 47 |
| 4 | ЖФК СКОПЈЕ 2014 | 20 | 13 | 1 | 6 | 45 | 21 | +24 | 40 |
| 5 | ЖФК СЦ ИСТАТОВ 2015 Скопје | 20 | 6 | 3 | 11 | 22 | 53 | -31 | 21 |
| 6 | ФК ТОП ГОЛ/ЖФК | 21 | 5 | 3 | 13 | 20 | 48 | -28 | 18 |
| 7 | ФК АТЛЕТИКО/ЖФК | 21 | 4 | 4 | 13 | 15 | 48 | -33 | 16 |
| 8 | ФК АСС УНИТЕД/ЖФК | 21 | 4 | 0 | 17 | 28 | 67 | -39 | 12 |
| 9 | ЖФК РЕЧИЦА | 21 | 2 | 0 | 19 | 16 | 117 | -101 | 6 |
| 10 | ЖФК ШКЕНДИЈА Тетово(-3) | 0 | 0 | 0 | 0 | 0 | 0 | 0 | -3 |
