Женскиот фудбалски клуб Победа Валандово 16 организира настан „Отворен ден за фудбал“ во Валандово, преку кој настан ќе се промовира женскиот фудбал.
Целта преку овој настан е запознавање на девојчињата со фудбалската игра, притоа истите да бидат активни, стекнување на нови вештини, дружење и запознавање нови пријателства, а девојчињта ќе добијат подарок маичка од ЖФК Победа Валандово 16, екипа која се натпреварува во Втората женска фудбалска лига во сениорска конкуренција, како и со младински категории.
„Ги покануваме сите девојчиња без разлика дали тренираат или не да дојдат да го познаат фудбало. Да играме заедно“, велат во поката од ЖФК Победа Валандово 16.
На овој настан гости ќе бидат Гоја Тчеури Харуми од Бразил и Копли Кешлин Џејн од САД, фудбалерки кои настапуваат за прволигашот Тиверија Брера од Струмица.
Настанот ќе се одржува на стадионот „Чешвал“ во Валандово, во понеделник од 16:30 часот.