Актуелниот шампион Ѓорче Петров славеше убедлива победа на гостување кај Вардар во дербито на 3. коло од женската ракометна Суперлига со резултат од 35:22.
„Лавиците“ со големото искуство го добија Вардар кој даде се од себе да изненади, но немаше сили против шампионот кој беше одличен на овој меч.
На полувреме резултатот беше 20:15, Вардар во првиот дел на првото полувреме даваше силен отпор, а во вториот дел „лавиците“ само ја зголемуваа разликата и стигнаа до висока победа од 35:22.
Катерина Дамјановска беше најдобра кај Ѓорче Петров со осум погодоци, а пак АНамарија КОларовска имаше шест гола, кај Вардар најдобра беше Леона Миленковска со девет гола.
Метарлуг Автокоманда убедливо го доби тимот на Гевгелија со 52:10 во меч каде домашниот тим кој беше апсолутен фаворит без никакви проблеми како на тренинг меч го збриша составот на Гевгелија, кој имаше сили само за десет погодоци.
Марија Гугуљанова имаше десет погодоци, а по девет постигнаа Борјана Коцева и Јана Ѓошевска, кај Гевгелија шест погодоци постигна Симона Динева.
Овче Поле СУ на домашен терен беше декласиране од Куманово во меч каде гостинот лесно стигна до целиот „плен“ со резултат од 12:33. Јована Ангеловска постигна пет гола за домашниот состав, а пак за Куманово најдобар беше Сара Светановска со девет гола.
Како што информираше Спортска Мрежа натпреварот меѓу Астибо и Стружанка не се одигра, откако Стружанка не допатува во Штип, а тоа значи службена победа за Астибо од 10:0 и службени три бодови.
