Македонската кошаркарска машка сениорска репрезентација направи скок од едно место на најановоата светска рејтинг листа на ФИБА, по завршувањето на квалификациите и олимпискиот турнир во Париз, Франција.
Македонија сега е на 57. место на светската рејтинг листа со 198.2 бодови, а кога е во прашање европската зона на ФИБА, тука Македонија е на 30. место. Ова значи напредок за една позиција во вкупниот светски ранкинг на Македонија во однос на претходниот.
Што се однесува до нашите противници во групата Х од квалификациите Литванија е на 10. место со 698.9 бодови, а пак шеста во европската зона. Полска има пад од едно место, а сега е на 16-тото место во светската рејтинг листа со 599.8 бодови, односно на 10. во Европа, а пак Естонија остана на 44. позиција во светски рамки со 280.7 бодови, а 22. место во европскиот рејтинг.
На светската рејтинг листа прва е Америка со 838.8 бодови, втора е Србија која има 758.9 бодови, трета е Германија со 755.3 бодоови, на 4. место е Франција со 753 бодови, а пак Канада е на петтото место со 747.8 бодови.
Во однос на европската рејтинг листа прва е Србија, втора е Германија, трета е Франција, четврта е Шпанија, а пак на петтото место е Латвија.
Александар Ванев, Спортска Мрежа
