Делегирани судиите за 6. коло на плеј-офот и плеј-аутот на ракометната Суперлига.
Браќата Михајло и Методија Илиевски од Битола ќе го судат дербито на колото меѓу Вардар и Алкалоид, кое се игра во сабота со почеток од 18 часот во спортската сала Автокоманда. Делегати на мечот ќе бидат Ацо Николовски и Драган Начевски од Скопје.
Ѓорѓи Начевски и Славе Николов од Скопје ќе им судат на Охрид и Бутел, меч кој се игра во СРЦ „Билјанини Извори“ во Охрид, в петок од 19 часот. Делегат на мечот ќе биде Игор Огненов од Битола.
Во Битола ќе се соочат шампионот Еурофарм Пелистер и Тиквеш, а за правдата ќе бидат задолжени Ѓоко Колевски и Сашо Кркачев од Скопје, додека пак Славчо Каланоски од Струга ќе биде делегат.
Натпреварот се игра в петок од 17:30 часот.
Во плеј-аутот ќе се одиграат два натпревари, а слободна ќе биде екипата на Прилеп, откако Борец ФЛ беше исклучен од понатамошно натпреварување.
Струга на домашен терен ќе игра со Пролет, а задолжени за правдата ќе бидат Исмаил Металари и Ненад Николоски од Скопје, додека пак делегат ќе биде Зоран Кимовски од Скопје. Мечот ќе започне во 18:30 часот.
Колото ќе се комплетира в недела со натпреварот меѓу Радовиш и Куманово, кој се игра во СРЦ „25 Мај“, а за правдата ќе бидат задолжени Димитар Митревски и Благојче Тодоровски од Битола. Камер Металари од Скопје ќе биде делегат на средбата.
