Пред Брегалница е многу тежок пат за директен влез во Прва лига? Штипјани имаат тежок распоред!

Ѓорѓи Шишков ја „закова“ Брегалница на четвртото место на табелата откако обезбеди победа за неговиот Вардар Неготино од минимални 1:0 во претходното 24. коло на Втората лига на „Цвај арената“.

Сега пред штипјани се отвараат повеќе прашања, како до директен влез во Прва лига? Може ли Брегалница до експресно враќање во Прва лига? Каков е распоредот до крајот на „сините“? Прашања и прашања, што има на терен?

Пред да започнеме со анализата, но и да го видиме распоредот на Брегалница до крајот, краток поглед на табелата и како истата изгледа и каде тука е Брегалница.

• ЦЕЛА ТАБЕЛА ОД ВТОРАТА ЛИГА:

Брегалница сега има пет бодови помалку во однос на водечките Македонија ЃП и Башкими кои имаат по 53 бодови, Арсими е трет или во бараж зоната за ПМФЛ со 51 бод, а Брегалница е на четвртото место со 48 бодови. Пет бодови не е многу, но не е и малку, ако се земе фактот што Брегалница загуби важни бодови од екипи каде практично не требаше да погрешки, а како што беше случајот во Неготино, или пак со Осогово на домашен терен кога одигра 1:1.

Брегалница ја очекува тежок распоред, каде не смее да погрешки, но притоа треба да се надева дека Македонија ЃП, Башкими и Арсими ќе направат киксови, а притоа Брегалница треба да ги добие сите овие три екипи.

• РАСПОРЕД НА БРЕГАЛНИЦА ОД КРАЈОТ НА СЕЗОНАТА:

Натпреварот со Борец е веќе првиот чекор за Брегалница на патот кон директен влез во Прва лига, овој меч „сините“ ќе треба да го добијат без размислување, ако и овде направат грешка тогаш шансите ги сведуваат веќе на минимум. Овој меч се игра во понеделник, а по тежина е сличен како тој во Неготино, со тоа што и на Борец му треба бодови за опстанок, па сигурно е дека велешани одат на се или ништо против Брегалница.

По мечот со Борец пред Брегалница е тежок распоред. Во Штип доаѓа Македонија ЃП тим кој по квалитет е најдобриот и најскапиот, на првото соочување Брегалница беше декласирана во Ѓорче, а „лавовите“ во Штип ќе сакаат победа и веќе да направат потврда кон враќањето во Прва лига.

Мечот со Македонија ЃП ќе биде мерило за Брегалница колку е подготвена за до крај да води борба за Прва лига и дали Штип следната сезона ќе има прволигашки или одново второлигашки фудбал.

Потоа следува уште еден тежок меч за Брегалница гостување во Гостивар кај Арсими кој е значително засилен во однос на есенскиот дел, и ако се направи споредба Брегалница можеби и за нијанса е послаба од есенскиот дел, а Арсими е значително засилен, го има и Аљбин Рамадани кој е во одлична форма и кој се бори за најдобар стрелец.

На ваков меч Брегалница уште еднаш ќе треба да ги потврди своите квалитети ако сака да се избори за Прва лига, а тука ќе биде и пресудно и тактичката подготвеност, анализи и многу фактори кои би биле рецепт за триумф и три бодови.

На 6 мај во Штип ќе гостува Беласица тим кој во пролетниот дел влезе во победнички ритам и конкурира сезоната да ја заврши на петото место, а пак Брегалница на првото соочување од есенскиот дел се мачеше долго во Струмица и одвај го доби мечот со минимални 0:1. Но, сега Беласица е значително засилена има искусни играчи како новото засилување Бојан Најденов, но и повратникот Александар Коцев.

Во претпоследното коло Брегалница ќе гостува на „Билјанини Извори“ каде ќе се соочи со Охрид, а „Билјанини Извори“ важи за стадион каде тешко се освојуваат бодови, Интересно ќе биде тоа ако овој меч на Брегалница им значи многу пред последното коло, во случај ако Брегалница зависи од мечот во Охрид, па тогаш ќе има вистина тешка задача „синиот“ тим да дојде до три бодови покрај езерото, бидејќи се покажа дека Охрид иако се потпира на домашни играчи може да се носи со сите во лигата и да е тврд противник.

Последното коло, 30-та рунда, 17 мај, ако веќе не е решено, тогаш ќе се решава во Штип, некој ќе плаче, а некој ќе се радува. Брегалница го пречекува Башкими.

30-тата рунда може да значи дека Башкими во Штип доаѓа како нов прволигаш, можеби и како шампион на Втора лига, а може да значи и дека доаѓа по бодови за директен влез. Можеби пак Брегалница веќе ќе ги реши сите дилеми, па Башкими ќе зависи за Прва лига или бараж. Многу комбинации, но едно е сигурно, ќе гледаме натпревар со карактер на финале.

Башкими во последното есенско коло ја доби Брегалница на домашен терен со 2:1, а сега ќе сака уште еднаш да ја доби, а Брегалница ќе сака да врати за поразот во Куманово.

Тежок распоред пред Брегалница, тежок затоа што игра со сите конкуренти за Прва лига, а тоа отвара и друго прашање. Брегалница ако сака Прва лига, треба да биде перфектна, да ги добие сите натпревари и со тоа да си завери билет за Прва лига. Брегалница зависи сама од себе до некаде, а до некаде и од играта на конкурентите.

Веќе од понеделник започнува мисијата на Брегалница за враќање на победничките патеки, заборавање на поразот во Неготино и трасирање на патот кон Прва лига.