Форца е старо-нов шампион во Првата футсал лига на Македонија, откако клубот од Куманово, на неколку кола пред крајот ја одбрани шампионската титула. Форца ја освои втората шампионската титула во својата историја едно по друго и ја започнува својата доминација во македонскиот футсал, ера во која доминира Форца.
Форца го одигра последниот меч за оваа сезона на домашен терен против Шкупи – натпревар кој го доби со 2:0 пред домашната публика. Берат Рамадани погоди во 5. минута за 1:0, а потоа Зоран Левески во 10. минута ги постави конечните 2:0.
Победа пред својата публика и подигање на шампионскиот пехар – Форца воопшто не виде мака. Со 16 победи, еден пораз и едно реми стана шампион на Македонија, со најефикасниот напад кој постигна 112 погодоци.
Форца доминираше на секој меч и ги полнеше противничките мрежи. Го има најквалитетниот тим кој прави разлика, а во овие 18 кола собра 49 бодови.
Пред Форца сега е нов предизвик – одбрана на титулата во Купот, со што ќе атакува на двојна круна. Тимот веќе се подготвува за финалето од Купот на Македонија, каде што во Радовиш, во СРЦ „25 Мај“, ќе се соочи со Осогово од Крива Паланка – тим кој првпат ќе игра во финале на Купот.
Финалето од Купот на Македонија како што веќе најави Спортска Мрежа ќе се игра на 27. април со почеток од 19 часот.
