Младинскиот тим на Брера Струмица ја заокружи есенската полусезона со највисок можен дострел – прво место и титула есенски шампион во младинскиот шампионат на Македонија.
Струмичани демонстрираа константна форма, дисциплина во играта и допадлив фудбал што ги оддели од конкуренцијата. Тимот беше воден со сигурна рака од тренерот Ѓорге Стојчев, чие стратешко планирање и тактичка подготвеност се покажаа како столбови на овој успех.
Во клубот посебно се потенцира важноста на силната организација зад резултатите. Спортскиот директор Зоран Балдовалиев и координаторот на младинската школа Борче Постолов го поставија системот кој создава континуитет – средина во која младите играчи истовремено се развиваат, напредуваат и добиваат вистинско фудбалски воспитување.
Струмичани се единствените непоразени со учинок од 14 победи и едно реми, притоа го имаат најдобриот напад од 67 гола и примени само седум погодоци.
Брера Струмица испраќа силна порака: клубот не само што гради резултати, туку и создава генерации подготвени за предизвиците на сениорскиот фудбал. Есенската титула е само чекор повеќе во долгото патување кон уште поголеми успеси.
