„Киксовите“ кои ги направија Македонија ЃП и Башкими ја вратија одново неизвесноста околу местата кои директно водат кон Првата македонска фудбалска лига. Оие две екипи и натаму се водечки со по 49 бодови, но откако двете екипи ремизираа без голови, Македонија ЃП во Кочани против Осогово (0:0), а пак Башкими во Прилеп со Победа (0:0), најмногу од овие резултати добија Брегалница која сега е трета или во бараж зоната со 47 бодови, а пак Арсими е четврти со 45 бодови.
Брегалница и Арсими ги напаѓаат местата кои водат кон Првата лига, а Башкими и Македонија ЃП водат борба да ги сочуваат првите две места, а тоа на осум кола до крајот ќе понуди повеќе од неизвесност кои екипи ќе обезбедат директен влез, а која екипа ќе игра бараж за можен влез во елитата на Македонија.
Ваква ќе биде ситуацијата и на дното од табелата каде ќе се води борба за опстанок. Вардарски и Борец од коло до коло се се поблику до официјално испаѓање во Трета лига. Математички двете екипи се во игра, но реално е многу тешко да се очекува дека двете екипи ќе се спасат, особено што Борец нанижа три порази во низа, откако особено ги загубите двата клучни натпревари како што беше со Вардарски во Богданци и дома од Осогово.
Токму Осогово кој влезе во серија на позитивни резултати доаѓа до ситуација да има и директен опстанок во Втора лига, бидејќи има само четири бодови помалку од зоната за директен опстанок каде што е Вардар Неготино. „Жетварите“ имаат 17 бодови, а пак тимот од Неготино има 21 бод.
Загрозени за директен опстанок се и екипите на Новаци и Победа кои го делат 11-тото место со по 23 бодови. Овие две екипи ќе сакаат веќе во следните кола да соберат бодови и на неколку кола до крајот да го потврдат опстанокот, па битката за да се избегне баражот односно да се обезбеди директниот опстанок, ќе се сведе на Осогово и Вардар Неготино.
Еве како изгледа целата табела во Втората македонсак фудбалска лига и што практично ќе не очекува до крајот на 30-тото коло.
- ЦЕЛА ТАБЕЛА ОД ВТОРА ЛИГА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК МАКЕДОНИЈА Ѓ.П 1932 АД | 22 | 15 | 4 | 3 | 41 | 8 | +33 | 49 |
| 2 | АД ФК Башкими 1947 Куманово | 22 | 15 | 4 | 3 | 38 | 17 | +21 | 49 |
| 3 | ФК БРЕГАЛНИЦА 2008 АД | 22 | 14 | 5 | 3 | 33 | 18 | +15 | 47 |
| 4 | ФК АРЕСИМИ-1973 | 22 | 14 | 3 | 5 | 39 | 20 | +19 | 45 |
| 5 | ФК СКОПЈЕ АД | 22 | 8 | 10 | 4 | 27 | 19 | +8 | 34 |
| 6 | ФК ДЕТОНИТ ПЛАЧКОВИЦА | 22 | 7 | 11 | 4 | 28 | 20 | +8 | 32 |
| 7 | ФК КАМЕНИЦА САСА | 22 | 9 | 5 | 8 | 36 | 30 | +6 | 32 |
| 8 | ГФК ОХРИД ЛИХНИДОС | 22 | 9 | 5 | 8 | 26 | 25 | +1 | 32 |
| 9 | ФК КОЖУФ ГЕВГЕЛИЈА | 22 | 7 | 10 | 5 | 22 | 18 | +4 | 31 |
| 10 | ФК БЕЛАСИЦА АД | 22 | 8 | 7 | 7 | 27 | 24 | +3 | 31 |
| 11 | ФК ПОБЕДА АД | 22 | 6 | 5 | 11 | 23 | 29 | -6 | 23 |
| 12 | ЗФК НОВАЦИ 2005 | 22 | 6 | 5 | 11 | 21 | 29 | -8 | 23 |
| 13 | ГФК ВАРДАР Неготино | 22 | 6 | 3 | 13 | 26 | 41 | -15 | 21 |
| 14 | ГФК ОСОГОВО | 22 | 4 | 5 | 13 | 19 | 38 | -19 | 17 |
| 15 | ФК БОРЕЦ 1919 АД | 22 | 2 | 4 | 16 | 13 | 40 | -27 | 10 |
| 16 | ФК ВАРДАРСКИ | 22 | 2 | 2 | 18 | 16 | 59 | -43 | 8 |
Следниот викенд на програмата ќе бидат натпреварите од 23. коло на Втората македонска фудбалска лига (ВМФЛ).
