Лидерот Големо Коњари со убедливи 8:0 го декласираше Венец од Долни Дисан во рамки на 17. коло на Трета лига – Југ, а притоа го искористи „киксот“ на Превалец кој ремизираше со Слога во Лажани играјќи 3:3.
Големо Коњари сега веќе има шест бодови повеќе во однос на Превалец кој е втор и со тоа е чекор напред кон баражот за Втора лига.
Беким Алимоски постигна три-гола за домашниот тим, а по еден гол постигнаа Михо Андреевски во првиот дел, додека пак во второто полувреме стрелаа Мустафа Селманоски, Илчо Митрески, капитенот Борче Сркески кој погоди од белата точка и Владимир Бешовски.
Превалец прокоцка два гола предност откако на полувреме имаше 0:2, па на крај ремизираше со Слога играјќи 3:3. На полувреме Пеце Стојанов и Давид Секуловски имаше два гола предност. Во вториот дел Самир Карипиќ погоди за 1:2, а пак Адмир Угљанин во 66. минута постигна гол за 2:2. Но, по две минути Кристијан Маневски постигна гол за 2:3.
Десет минути подоцна Емир Каришиќ беше прецизен за 3:3 и тоа воедно беше конечниот исход, а во 91. минута поради два жолти картони од игра беше исклучен Армин Потурак со што домашниот тим беше со играч помалку во судиското надополнување.
Голем бод за домашниот тим против големиот фаворит, кој сигурно не е задоволен откако испушти цел „плен“ во трката за баражот за Втора лига.
Младост од Кривогаштани со 0:4 го декласираше Влазними Јуниор во Мало Коњари каде во првиот дел со погодоците на Чешелковски и Бунески гостинот имаше 0:2 на полувреме, а во второто полувреме Димоски и Китаноски ги поставија конечните 0:4.
Ултрас му прави голема услуга на лидерот Големо Коњари, откако со 1:2 славеше над Башкими 2008 во Чашка. Во меч со осум жолти картони гостинот имаше 0:2 на полувреме со погодоците на Трајкоски и Паноски. Во вториот дел домашниот тим Пајазитов погоди за конечни 1:2.
