Влазереми денешниот меч со Џепчишти го доби со службен резултат од 3:0, а причината е тоа што го стинската екипа по чекање од 30 минути не се појавила на теренот, во рамки на 15. коло на Трета лига – Запад.
Висока победа забележа Тетекс откако на гостувањет во Теарце „штофарите“ беа убедливи со 1:4 против Велазерими Слатино. Во првиот дел резултатот на полувреме беше 0:3 со што победата беше најавена за лидерот во Трета лига – Запад. Агон Елмази го отвори резултатот во 7. минута, до крајот на првиот дел стрелци беа Даут Даути и Ерјон Елмази.
Во вториот дел Бајрам Мемеди во 75. минута намали на 1:3, а пак во 83. минута Азис Јамини ги постави конечните 1:4.
Речица конечно се израдува на победа откако со 3:2 ја доби Дрита на домашен терен, а заслужен за победата беше Арѓент Зибери кој беше двоен стрелец за домашниот тим.
Резултатот го отвори Мухамед Адеми по девет минути игра за 1:0, а пак Хузри Земаили постигна гол за 1:1 на полувреме. Во вторито дел Зибери со два гола обезбеди предност од 3:1, а пак Џемаили во 82. минута ги постави конечните 3:2.
Камјани забележа висока победа од 4:1 над Доброшти на крилата на Ивица Костадиноски кој беше стрелец на три гола за домаќинот, а еден гол постигна Ибраим Јусуфи во вториот дел. За гостинот Арбен Гафури погоди во 48. минута.
Натпреварот меѓу Ренова и Вардар Брвеница е закажан за 23. април, тогаш ќе биде комплетирано оваа 15. коло.
Како што претходно информираше Спортска Мрежа екипата на Љуботен со мининални 1:0 славеше над некогашниот прволигаш Напредок од Киечво со голот на Теодор Стојанов во 59. минута.
Во однос на табелата Тетекс е прв со 38 бодови, втор е Влазерими со 34 бодови, а пак на третото место е Џепчишти со 27 бодови.
