Дербито на колото го реши Хава Мустафа, откако со два гола обезбеди голема победа за актуелниот шампион Љуботен во пресметката со Каменица Саса.
Ново засилување на тетовскиот прволигаш кој ја брани двојната круна во новата сезона обезбеди три бода и голема и важна победа над конкурентот од Македонска Каменица.
Првиот гол Мустафа го постигна во 52. минута, а во 85. минута со втор гол стави печат на големата победа за Љуботен.
Тиверија Брера прокнижи нова победа овој пат на домашен терен од 4:0 над битолски Топ Гол. Струмичкиот прволигаш беше голем фаворит на овој меч, а четири погодоци се потврда за тоа.
Гоја беше стрелец на два погодоци за Тиверија Брера, а по еден гол постигнаа Ане Бошески и Билјана Панеска.
Истатов преку Радица Чонева и Севим Илјаз кои беа двојни стрелци стигна од прво сезонско славје над Речица од 4:0.
Атлетико на домашен терен доживеа пораз од екипата на Скопје 2014. По мирните мрежи во првиот дел, во второто полувреме Евтимџиоска и Коларовска погодија за 0:2 и триумф над повратникот во елитата.
Во 4. коло одмараше екипата на Ас Јунајтед.