Фудбалскиот клуб Џокер ќе учествува на познатниот „Златибор Куп“ во Србија, турнир на кој учествуваат големи фудбалски гиганти од Европа.
За младите фудбалери на ФК Џокер оваа ќе биде одлична можност на терен да ги одмерат силите со големи клубови од цела Европа.
„По многуте добиени покани за учество на повеќе турнири, една од поканата која неможевме да ја одбиеме е токму за прекрасниот Златибор Куп“, велат од клубот.
ФК Џокер од Фурка, Дојран, е формиран во 2018 година, клуб кој посетува свое игралиште на кое тренираат сите дечиња, а ФК Џокер важи за една од најдобрите фудбалски школи во Македонија, во која тренираат околу 70 дечиња на возраст од 6 до 13 години во машка и женска конкуренција.
На „Златибор Куп“ ќе учествуваат големи фудбалски гиганти како Торино од Италија, Бенфика од Португалија, ЦСКА Софија од Бугарија, Осијек од Хрватска, Партизан од Србија, Црвена Ѕвезда од Србија, академијата на Лацио од Букурешт, Романија и многу други големи фудбалски имиња.
„Турнирот кој од година во година станува се по масовен и елитен ќе биде повторно дел од нашата програма за оваа година, каде што очекуваме нашите дечиња да остварат големи успеси на истиот турнир“, додаваат од ФК Џокер.
Досега ФК Џокер има учествувано на околу 250 турнири како во Македонија така и во странство, а клубот како што претходно информираше Спортска Мрежа, ФК Џокер се подготвува и за организирање на елитен турнир во општина Дојран.
