Новиот стратег на Брера Струмица, Горазд Михаилов победнички тргна на клупата на струмичани откако со 3:2 славеше над Беса.
Овој меч понуди најмногу погодоци вкупно пет, а сите беа постигнати во вториот дел. Ивковиќ со два брзи гола на стартот од вториот дел донесе предност од 2:0 за Брера, а потоа Ѓоргиевски постигна гол за 3:0.
Таквиот резултат ја резбуди Беса која преку Љамалари намали на 3:1 и се обида да се врати резултатски, а потоа Реџепи во 88. минута ги постави конечните 3:2, откако во финишот Беса немаше сили за изненадување.
Работнички е хит на стартот од новата сезона во Првата лига откако „романтичарите“ запишаа нова победа, овој пат од 3:1 над освојувачот на КУпот на Македонија, екипата на Тиквеш. Белица во 24. минута погоди за 1:0 на полувреме. Во вториот дел од мечот Алберто постигна гол за 1:1.
Пет минути подоцна Данев донесе нова предност за Работнички од 2:1, а во 90. минута Регхба ги постави конечните 3:1.
Срѓан Захариевски тргна со реми на клупата на Вардар, откако најтрофејниот ремизираше против Гостивар играјќи 1:1, со гол постигнат во финипот од мечот. Џало Балде во 20. минута погоди за 1:0, а Босанчиќ во 84. минута ги постави конечните 1:1.
Силекс победнички се враќа од Охрид, откако по 0:0 на полувреме во вториот дел со 0:3 ја доби Воска Спорт. Ѓорѓиевски, Кочоски и Николиќ беа стрелци за кратовци.
Мега дербито на Чаир заврши без победник 1:1 меѓу Шкупи и Шкендија. Умеми Канда во 45. минута погоди за 1:0 на полувреме, а во вториот дел Клисман Цаке погоди за конечни 1:1.
