Ракометарите на Охрид не видоа мака против Шампион во Купот, откако со 45:10 лесно се справија со прволигашот и всушност овој натпревар беше само подготовка за охридските „гладијатори“ за натпреварот кој им следува веќе во среда против Бутел на гостински терен.
Ракометарот на Охрид, Наум Костов, за Спортска Мрежа истакна дека натпреварот со Шампион од Купот им бил само подготовка за мечот од првото коло од плеј-офот против Бутел во гости.
„Распоредот е малку набиен бидејќи имавме натпревар во среда, сега имаме многу битен натпревар против Бутел во гости. Се подготвуваме веднаш уште по натпреварот со Алкалоид. Натпреварот од Купот против Шампион го сметавме за еден вид на припрема за натпреварот со Бутел и секако чекор по чекор ќе одиме да се надигруваме со секој во плеј-офот“, изјави Костов за Спортска Мрежа.
Охрид во плеј-офот пренесе еден бод од регуларниот дел, додека пак екипата на Бутел не пренесува бодови во плеј-оф сегментот каде се разигрува за титула и излез во Европа. Натпреварот меѓу Бутел и Охрид се игра во среда во спортската сала „Антон Димитров“ со почеток од 18 часот.
