Во рамки на одложеното 16. коло на Трета лига – Север поради трагедијата во Кочани лидерот Шкендија од Арачиново ја продолжува победничката серија откако со 0:3 лесно го доби Куманово, тим кој минатата сезона беше шампион, но не го помина баражот и остана пак во Трета лига – Север.
По само две минути игра Дарио Десниќ постигна гол против својот поранешен клуб, а во 10. минута Бујар Иљази постигна гол за 0:2 на полувреме.
Мрежите мируваа се до 90. минута кога Шуајб Алити постигна гол за конечните 0:3.
Натпреварот меѓу некогашниот прволигаш Еуромилк ГЛ и Њу Старс не го дочека својот крај, истиот при 0:0 беше прекинат во 82. минута.
“Натпреварот е прекинат во 82-ра минута поради напуштање на теренот на гостинската екипа. Претставникот од гостинската екипа има доставено изјава/жалба до делегатот”, се вели во официјалниот записник од мечот.
Во меч со пет гола и два брзи погодоци на почеток од мечот екипата на Академија Илинден забележа гостинска победа над Риниа од 2:3.
По само две минути игра Харбин Емини постигна гол за 1:0, но само по една минута Стојанче Камчев погоди за 1:1. Во финишот од првиот дел Николче Ефремов постигна гол за 1:2 на полувреме.
Во вториот дел Риниа го израмни резултат преку Муза Арифи во 49. минута, а по единаесет минути игра Камчев со втор гол ги постави конечните 2:3 за триумф на Академија Илинден.
Фортуна дојде до висока и убедлива победа над новајлијата Ржаничино од 3:0, а сите погодоци беа постигна во вториот дел преку Ибрахими, Сефо и Аљими.
Башкими Љуботен на домашен терен однесе победа од 3:2 над Беса од Слупчане. За домашниот тим двоен стрелец беше Фаредин Исени, а еден гол постигна Аљајдин Османи, додека пак за гостинот двапати стрелаше Мерван Фетаи.
Поранешниот второлигаш на домашен терен загуби од екипата на Аеродром со резултат од 2:4. Одново младиот Дамјан Антевски беше тој го кој решаваше мечот, откако постигна два гола за гостинот, а по еден гол постингаа Христи Мицевски и Александар Каланоски, а пак за домашниот тим стрелци беа Стефан Ѓорѓијев и Зоран Тасевски.
Пчиња забележа голема победа во битката за опстанок во Трета лига – Север, откако на домашен терен го доби БВК Коњаре.
Гостинот прв поведе преку Јусуф Јакуповски за 0:1 на полувреме, а во вториот дел за гостинот двоен стрелец беше голгетерот Орхан Мифтар, кој е најдобар стрелец во лигата, а пак за домашниот тим стрелци беа Немање Нешевски, Марко Пешевски, Иван Вукановски и Даниел Стефановски.
