Рутинска, сигурна и лесна победа за македонската фудбалска репрезентација, со победа ги отвара квалификациите за Светското првенство 2026, откако го совладавме Лихтенштајн со 0:3. Натпревар и победа која е посветена за големата трагедија која се случи во Кочани.
Натпреварот започна со една минута молк, а репрезентативците на Македонија пред натпреварот на тренингот излегоа со црни маички во знак на почит кон жртвите од трагедијата во Кочани.
Македонија тргна одлично и по само седум минути игра Александра Трајковски го отвори резултат за 0:1 по асистенција на Миовски. Во финишот на првиот дел Висар Муслио постигна гол за 0:2 на полувреме.
Во 59. минута од натпреварот беше емотивен момент на трибините, а македонските навивачи оддадоа почит за 59-те жртви на големата трагедија во Кочани.
Во вториот дел печат на големата и убедлива победа стави Бојан Миовски, кој погоди во 84. минута за конечни 0:3.
Следниот натпревар за Македонија е во вторник на Националната арена „Тодор Проески“ против Велс.
