Натпреварот меѓу Арда и Левски Софија во Првата бугарска лига започна со минута молк, за поранешен фудбалер кој е жив.
Се работи за Петко Ганчев, кој во минатото настапувал за тимот на Арда, а управата на клубот добила информација дека Ганчев починал, па решиле да му оддадат чест и натпреварот започна со едноминутно молчење.
Сепак, потоа сепак излезе дека овие информации не се точни, односно дека Ганчев е жив. Клубот потоа се огласи преку соопштение и јавно се извини кон својот поранешен фудбалер и неговото семејство.
„Почитувани новинари и фанови на Арда, управата на клубот сака да изрази огромно извинување до поранешниот фудбалер на Арда, Петко Ганчев и неговите блиски, откако клубот доби погрешни информации за неговата смрт. На Петко Ганчев му посакуваме уште многу години здравје и да ужива во успесите на Арда“, се вели во соопштението на бугарскиот клуб Арда.
Unbelievable scenes in Bulgaria! Arda’s match against Levski Sofia began with a minute of silence for ex-player Petko Ganchev… only to later find out he’s alive! The club has since issued an apology. A truly bizarre moment in football pic.twitter.com/R4nTlsYHxY
— tether.bet (@tether_bet) March 17, 2025
Натпреварот од 25. коло меѓу Арда и Левски заврши без победник со по еден гол (1:1). Екипата на Левски е на второто место со 52 бодови, а пак Арда е на 5. место со 41 бод на своето конто.
